Ang swerte ko kahapon...
Di ako sumabay kay erpats papasok ng opisina dahil tanghali pa sya papasok. Nagmamadali akong umalis ng bahay dahil alam kong madaming pasahero ng FX paOrtigas pag Lunes ng umaga. Bago umalis kinuha ko yung Lock 'n Lock na lalagyan ko ng tubig na ginagamit ko sa opisina na hinanda ni ermats. Inuuwi ko yun araw-araw dahil tinatamad na ko maghugas sa pantry sa opisina dahil madalas may pila sa lababo. Kinuha ko sa mesa, nilagay ko sa bag ko at lumarga na. Maaga-aga pa ako dahil di pa nagsisimula magkaroon ng pila sa FX, nakasakay ako agad, sa likod. Pero naabutan na ko ng traffic, pag-ganung oras ako umalis, mga 7:30 AM nasa opisina na dapat ako pero mga 7:45 AM kakababa ko pa lang sa my Center Point building at maglalakad pa ko pa buliding ko sa Tektite. Nung nasa Ministop na ko sa harap ng Tektite, papasok sana ako para bumili ng mamemeryenda sa opisina ng maramdaman kong anlamig ng bag ko. Kinapa ko at malamig nga, naisip ko na. Pagtingin ko sa loob, tumapon yung tubig ko, basa ung dala kong uniform. Unang beses ko pa lang isusuot yun dahil kakaissue lang sa akin. Basang-basa, walang nang laman yung container. Ang masama, yung MacArthur na libro ni Bob Ong na nasa bag ko dahil isasauli ko na sa kaopisina ko dahil tapos ko na basahin, nabasa din. Umagang-umaga, di na ko tumuloy paMinistop dahil naisip kong isampay habang maaga. Buti nakaPoloshirt ako at yung undershirt sana na isusuot ko ay basa din sa bag. Yun, e di sinampay ko yung mga nabasa. Badtrip pa nga ako dahil pinagtawanan pa ko ng ilang *^@^%$^@$(@!#! kong kaopisina nung sinabi ko nangyari. Umagang-umaga. Yun, simula na ng trabaho. Ilang oras nakalipas, magpiprint ako at pumunta sa Printer Area ng may nakita kong kakaiba sa sapatos ko, pagtingin ko nakabuka yung suwelas. &(*@&&$#()!*#! Malas! Umaga pa rin nun, simula pa lang ng araw ko, sira na. Buong maghapon na lang akong nag-isip ng plano sa mga problema ko at nagnilay-nilay kung bakit ba tinatamaan ng sunod-sunod na kamalasan ang tao, sa iba't-ibang paraan. Yung sapatos ko kelangan nang palitan dahil nasira talaga, gastos. Tingin ko nung bumaba ako sa FX, nahirapan ako dahil parang natapakan ako nung lalaking kaharap ko sa likod. E madalas ang ulan ngayon. Napuruhan, $^#^$#*($_@!$! kasi yung masikip na FX at yung pagkakapuwesto ng paa nung malaking lalaking yun.
Buti naayos din ang lahat sa araw na yun. Natuyo yung damit ng lunch dahil sinampay ko sa kwarto ng Air Handling Unit ng opisina namin kung saan marami ding nagsasampay lalo yung naggygym pag umaga dahil malakas hangin. Nasuot ko yung uniform ng ala-Una, buti din di ako nasita ng HR na si Arn-Arn na naglibot. Yung libro, ok lang daw, pero sabi ko papalitan ko na lang pero yung ibang libro na ni Bob Ong na parehas naming di pa nababasa. Yung sapatos, kinagabihan, pili ako sa Mega. Buti may extra pa kong pera. Bumili ako. Yung balat na, yung bagong style at uso at yung hindi kahoy yung suwelas na may segment segment. Hindi na yung tagse700 pesos na bili ko dun sa nasira kong sapatos na tumagal ng less than isang taon. Medyo mahal nga lang pero sulit na rin. Yun, Kanina naisip ko na sana di na uli maulit yung kagaya ng kahapon. Kaya kanina, bago sapatos ko, sikat nanaman!
Malas, suwerte, parehas lang silang nagbibigay ng kulay sa buhay. Pero ano maspipiliin.
Minalas ako para magkaroon ng bagong magandang sapatos at malaman na ganon ka Waterproof yung Bag ko dahil wala man lang tumagas na tubig palabas, lahat napunta sa gamit sa loob.
Sige gabi na!
